Build Bright University is proud to host the 60th ASAIHL Conference on 2 - 4 December, 2015 in the historical town of Cambodia, Siem Reap.

 

អនុស្សារណៈយោគយល់គ្នារវាង សាខាសាកលវិទ្យាល័យបៀលប្រាយខេត្តតាកែវ ជាមួយគ្រឹះស្ថានមីក្រូហិរញ្ញវត្ថុវីសិនហ្វាន់ សាខាខេត្តតាកែវ



ឆ្នាំពីរពាន់ដប់បី ខែកុម្ភៈ ថ្ងៃទីដប់បួន វេលាម៉ោងប្រាំបួន និង សូន្យនាទីព្រឹក មានការជួបជុំ គ្នារវាងគណៈគ្រប់គ្រង សាខាសាកលវិទ្យាល័យបៀលប្រាយខេត្តតាកែវ មាន លោក អាន ហឿន នាយកសាខា នាយករងសាខាទាំងពីរ និងប្រធាន-អនុប្រធានការិយាល័យ បានចូលរួមនៅក្នុងការធើ្វអនុស្សារណៈយោគយល់គ្នាជាមួយគ្រឹះស្ថានមីក្រូហិរញ្ញវត្ថុវីសិនហ្វាន់ សាខាខេត្តតាកែវបានដឹកនាំដោយ លោក ប៉ូច មាន ប្រធានសាខាខេត្ត រួមទាំងមន្រ្តីមួយចំនួន។

ការចុះកិច្ចព្រមព្រៀងភាពជាដៃគូ គឺត្រូវបានធ្វើឡើងដោយ សាកលវិទ្យាល័យបៀលប្រាយ សាខាខេត្តតាកែវ ជាមួយនឹងគ្រឹះស្ថានមីក្រូហិរញវត្ថុវីសិនហ្វាន់ សាខាខេត្តតាកែវ។ ស្ថាប័នទាំងពីរបានឯកភាពគ្នាបង្កើតកិច្ចព្រមព្រៀងនេះឡើង ដើម្បីផ្សាភ្ជាប់ទំនាក់ទំនងភាពជាដៃគូក្នុងគោលដៅលើកកម្ពស់វិស័យពាណិជ្ជកម្ម ក៏ដូចជាភាពរីកចម្រើនក្នុងការលក់ ផលិតផលនិងការបម្រើ សេវកម្ម។ ចំណែកភាគីនីមួយៗមុននឹងចុះហត្ថលេខាលើអនុស្សារណៈយោយល់គ្នានោះ សុទ្ធតែ បានអាននិងពិភាក្សាគ្នាជាមុន ចំពោះអត្ថន័យនៃអនុស្សារណៈយោគយល់គ្នាសុទ្ធតែបម្រើឲ្យផលប្រយោជន៍គ្នាទៅវិញទៅមក និងចូលរួមចំណែកក្នុងការអភិវឌ្ឍសង្គម។

ចុងបញ្ចប់ការចុះហត្ថលេខានៅលើអនុស្សារណៈយោគយល់គ្នា គឺសិ្ថតក្នុងបរិយាកាសរីករាយនិងស្និតស្នាលបំផុត ដោយមានការប្រគល់ឯកសារនិងបានថតរូបទុកជាអនុស្សាវរីយ៍ផងដែរ ។