Build Bright University is proud to host the 60th ASAIHL Conference on 2 - 4 December, 2015 in the historical town of Cambodia, Siem Reap.
ចាប់ផ្តើមទទួលចុះឈ្មោះពីថ្ងៃ ផ្សាយដំណឹងនេះតទៅ

វគ្គទី២ នៅថ្ងៃទី១៧ ខែតុលា ឆ្នាំ២០១៧

 

ដំណើរទស្សនៈកិច្ចសិក្សានិស្សិតសាកលវិទ្យាល័យ KONKUK នៃសាធារណៈរដ្ឋកូរ៉េ មកកាន់សាខាសាកលវិទ្យាល័យ បៀលប្រាយ ខេត្តតាកែវ


 

កាលពីព្រឹកថ្ងៃទីសាមសិប ខែមិថុនា ឆ្នាំ២០១៣ វេលាម៉ោង១០:៣០នាទី មានការរៀបចំទទួលនូវ ដំណើរ ទស្សនៈកិច្ចសិក្សារបស់គណៈប្រតិភូក្រុមនិស្សិតមកពីសាកលវិទ្យាល័យ KONKUK នៃសាធារណៈរដ្ឋខាងក្បូងចំនួន២១នាក់ (ស្រី១០នាក់ ប្រុស១១នាក់) បូករួមទាំងនិស្សិតខ្មែរមកពីសាកលវិទ្យាល័យបៀលប្រាយភ្នំពេញចំនួន១០នាក់ផងដែរ ដែលដឹកនាំដោយ លោក អ៊ីន វីរជ័យ សាកលវិទ្យាធិការរង ទទួលបន្ទុកកិច្ចការរដ្ឋបាលនិងទំនាក់ទំនងអន្តរជាតិ និង លោក កែ ឈុំបញ្ញា ព្រឹទ្ធបុរសមហាវិទ្យាល័យវិទ្យាសាស្រ្តអប់រំ និងភាសា។ នៅក្នុងដំណើរទស្សនៈកិច្ចសិក្សានេះស្ថិតនៅក្រោម ការសម្របសម្រួលពីលោក និល វាសនា នាយករងសាខាទទួលបន្ទុកកិច្ចការសិក្សាថ្នាក់បរិញ្ញាបត្រ ក្រោយថ្នាក់បរិញ្ញាបត្រ សេវានិស្សិត និង ចុះឈ្មោះសិក្សា ព្រមទាំងប្រធាន អនុប្រធានការិយាល័យ បុគ្គលិកចូលរួមសហការណ៍ផងដែរ។

ជាកិច្ចចាប់ផ្តើមលោក និល វាសនា នាយករងសាខា បានឡើងមានមតិសំណះសំណាលស្វាគមន៍ និងបានអាន កម្មវិធីនូវដំណើរទស្សនៈកិច្ចជូនដល់គណៈប្រតិភូ ព្រមទាំងមានចែកជូននូវក្រមាខ្មែរ ជាមួយមួកស្លឹកត្នោតដែលមានបិទរូបភាព ទង់ជាតិ នៃសាធារណៈរដ្ឋកូរ៉េខាងក្បូង និង ព្រះរាជាណាចក្រកម្ពុជា ដែលអមដោយ LOGO សាកលវិទ្យាល័យ KONKUK និង BBU នៅសងខាងទង់ជាតិ ដែលជាតំណាងឲ្យមិត្តភាពនិងកិច្ចសហប្រតិបតិ្តការរវាងប្រទេសទាំងពីរ ក៍ដូចជារវាង សាកលវិទ្យាល័យទាំងពីរ គោលបំណងនៃដំណើរទស្សនៈកិច្ចនេះគឺផ្លាស់ប្តូរលើវិស័យវប្បធម៌ ភាសា និងការរស់នៅ ពីគ្នាទៅវិញទៅមក។

ខាងក្រោមនេះគឺជាកម្មវិធីនៃដំណើរទស្សនៈកិច្ចសិក្សាក្រុមគណៈប្រតិភូនៅ ស.ប.ប សាខាខេត្តតាកែវៈ

  • ០៨:០០ - ១០:២០    ការចេញដំណើរពី ស.ប.ប ស្នាក់ការភ្នំពេញ មកកាន់សាខា ស.ប.ប ខេត្តតាកែវ
  • ១០:២០ - ១០:៤០    ការធ្វើពិធីទទួលបដិសណ្ឋាកិច្ចនូវការមកដល់របស់និស្សិតសាធារណៈរដ្ឋកូរ៉េខាងក្បូង
  • ១០:៤០ - ១១:៤០    ការចុះជួយភ្ជួរស្រែ និង ច្រូតស្រូវប្រជាពលរដ្ឋស្ថិតនៅក្នុងតំបន់សង្កាត់រកាក្រៅ
  • ១១:៤០ - ១២:៣០    ការចូលទៅទស្សនាចំការឪឡឹក និងចំការត្រសក់ស្រូវនៅក្នុងភូមិរបស់ប្រជាជន
  • ១២:៣០ - ១៤:០០    ការសំរាកនិងទទួលទានអាហារថ្ងៃត្រង់នៅភោជនីដ្ឋានលីលីជាយក្រុង
  • ១៤:០០ - ១៤:៣០    ការចូលទៅសំរាកនិងលេងកីឡាប៉េតង់ នៅអាគាសាកលវិទ្យាល័យថ្មី (ផ្ទះតាម៉ុក)
  • ១៤:៣០ - ១៧:០០    ការនាំអំណោយរបស់សាកលវិទ្យាល័យជូនកុមារកំពា្រ ដើម្បីស្វែងយល់អំពីការរស់នៅ
    ព្រមទាំងទស្សនាការសំដែងសិល្បៈនិងរាំលេងកំសាន្ត នៅក្នុងមជ្ឈមណ្ឌលកុមារកំព្រា
  • ១៧:០០ - ១៩:៣០    ដំណើរត្រលប់ទៅក្រុងភ្នំពេញវិញ

នៅចុងបញ្ចប់នៃដំណើរទស្សនៈកិច្ចនេះ គេសង្កេតឃើញគណៈប្រតិភូមទាំងអស់មានការចាប់អារម្មណ៍ និងសប្បាយ ចិត្តយ៉ាងខ្លាំង ដែលស្ថិតនៅក្នុងបរិយាកាសរីករាយស្និតស្នាលជាទីបំផុតរវាងនិស្សិតកូរ៉េជាមួយនិស្សិតខ្មែរយើង ព្រមទាំង បានថតរូបជាច្រើនទុកជាអនុស្សាវរីយ៍ ដែលមិនអាចបំភ្លេចនៅគ្រប់ទិដ្ឋភាពនៃទីកន្លែងជាមួយដំណើរ ប្រកបដោយសុខ និងសុវត្ថិភាព ដោយមានកិច្ចសហការនិងការយកចិត្តទុកដាក់ខ្ពស់ពីថ្នាក់ដឹកនាំសាកលវិទ្យាល័យ។