សា​កល​​វិទ្យា​​ល័យ​បៀលប្រាយ បាន​​​សហ​​ប្រតិ​​បត្តិ​​ការ​​​ជា​​មួយ​​​មជ្ឈ​មណ្ឌល​​កូរ៉េ សហ្វវែរ អេច អ ឌី

ភ្នំពេញ៖ នា​ថ្ងៃ​ពុធទី ៨ កើត​ ខែមិគសិរ ឆ្នាំ កុរ ឯកស័ក ពុទ្ធ​សករាជ ២៥៦៣ ត្រូវ​នឹង​ថ្ងៃ​ទី ០៤ ខែធ្នូ ឆ្នាំ ២០១៩ សា​កល​​វិទ្យា​​ល័យ​បៀលប្រាយ បាន​​​សហ​​ប្រតិ​​បត្តិ​​ការ​​​ជា​​មួយ​​​មជ្ឈ​មណ្ឌល​​កូរ៉េ សហ្វវែរ អេច អ ឌី ក្នុង​ការ​​រៀប​​ចំ​​សិក្ខា​​សា​លា​ ស្តី​អំពី កម្មវិធី​​ផ្តល់​អា​ហា​រូប​​ករណ៍ ​​ព័ត៌​​មាន​​វិទ្យា​​សម្រាប់​​ឆ្នាំ​​សិក្សា​​ថ្មី​ ២០២០​~​២០២១ ចំនួន​ ៦០ កន្លែង ដែល​​បាន​​ប្រ​ព្រឹត្ត​​ទៅ​​នៅ​ សា​កល​​វិទ្យា​ល័យ​បៀល​ប្រាយ​ ដោយ​​មាន​​ការ​ចូល​​រួម​​ពី​ លោកសាស្ត្រា​​​ចារ្យ ហ៊ុយ​ វ៉ាលីណា ព្រឹទ្ធ​បុរស​ជាន់​ខ្ពស់ និង​លោកសាស្ត្រា​​​ចារ្យ ហួរ សារិន ព្រឹទ្ធ​បុរស​រងនៃ​មហា​វិទ្យា​ល័យ​វិទ្យាសាស្ត្រ និងបច្ចេកវិទ្យា ​​នៃ​សា​កល​​វិទ្យា​​ល័យ​​បៀលប្រាយ និង លោក ចិន ភីរម្យនាយករង នៃ​​មជ្ឈ​​មណ្ឌល​​កូរ៉េ សហ្វវែរ អេច ​អ ឌី រួមទាំងបុគ្គលិក និងនិ​​ស្សិត​នៃ​​សា​​កល​​វិទ្យា​​ល័យ​​បៀលប្រាយ យ៉ាង​​ច្រើន​​កុះករ​​ផង​ដែរ​។ ក្នុង​​កម្មវិធី​​សិក្ខា​​សាលា​​នេះ ក៏​​មាន​​ការ​​ធ្វើ​​បទ​​បង្ហាញស្តី​​អំពី​​កម្ម​វិធី​​ផ្តល់​​អាហា​រូប​ករណ៍ របៀប​​នៃ​​ការ​​ចុះ​​ឈ្មោះ​ប្រ​ឡង និង​​គុណ​​ប្រយោជន៏​​ផ្សេងៗដែល​​និស្សិត​​ត្រូ​វទទួល​​បាន ព្រម​​ទាំ​​ង​​មាន​​ការ​​ផ្តល់​​ចំណាប់​​អារម្មណ៍ និងការ​​សួរ​​សំណួរ ពី​​សំណាក់​​និស្សិត លើ​​ការ​​ផ្តល់អាហា​រូបករណ៍ ព័ត៌មាន​​វិទ្យា​​របស់​​មជ្ឈ​មណ្ឌល​​កូរ៉េ សហ្វវែរ អេច អ ឌី ផង​​ដែរ ។
- សម្រាប់ការចុះឈ្មោះ : សិស្ស-និស្សិត អាច​​ធ្វើ​​ការ​​ចុះឈ្មោះ​​តាម​​រយៈ Online ដោយ​​ចូល​​ទៅ​កាន់​​តំណ​ភ្ជាប់ http://register.kshrd.com.kh/information ហើយ​ធ្វើការ​​បំពេញ​​ព័ត៌មាន។
- សម្រាប់​​ព័ត៌​មាន​​លំអិត សូម​​ធ្វើ​ការ​​ទាក់​​ទង​​មក​កាន់លេខ: 023 991 314 / 086 244 123 / 017 503 532