កិច្ចជំនួបជាមួយនិស្សិតថ្មីក្នុងឆ្នាំសិក្សាថ្មី ២០១៩ ២០២០ ស្តីពីកម្មវិធីផ្សព្វផ្សាយកម្មវិធីសិក្សា សេវាកម្មផេ្សងៗ នៅសាកលវិទ្យាល័យបៀលប្រាយ រាជធានីភ្នំពេញ

នៅ​ថ្ងៃ​ពុធ ៣ រោច ខែ​អស្សុជ ឆ្នាំ​កុរ ឯក​ស័ក ពុទ្ធ​សករាជ ២៥៦៣ ត្រូវ​នឹង​ថ្ងៃទី​១៦ ខែតុលា ឆ្នាំ​២០១៩ សាកល​វិទ្យា​ល័យ​បៀល​ប្រា​យ រាជធានី​ភ្នំពេញ បាន​រៀបចំ​កម្មវិធី​មួយ​ដើម្បី​ជួប​ស្វា​គមន៍ ចំពោះ​និស្សិត​ថ្មី ក្នុង​ថ្ងៃ​បើក​បវេសនកាល ក្រោម​អធិបតី​យ​ភាព ក្នុង​ការអញ្ជើញ​ចូលរួម​ក្នុង​ការបើក​កម្មវិធី​រួមមាន​៖​

​​-បណ្ឌិត ឌី ដា​វុ​ឌ្ឍ សាកលវិទ្យាធិការ​រង​ជាន់​ទទួលបន្ទុក​កិច្ចការ​សិក្សា​សាកល​វិទ្យា​ល័យ 
​-លោក ហ៊ុយ វ៉ា​លី​ណា ព្រឹ​បុរស​ជាន់ខ្ពស់ មហា​វិទ្យា​ល័យ​វិទ្យាសាស្ត្រ បច្ចេកវិទ្យា វិស្វកម្ម និង​ស្ថាបត្យកម្ម និង​ជា​នាយក​កា​រិ​យាល័យ​កិច្ចការ​សិក្សា និង​និស្សិត​
​-លោក មាស រ៉េ​ន​រិទ្ធិ​     ព្រឹ​បុរស​ជាន់ខ្ពស់​នៃ​មហា​វិទ្យា​ល័​យ​គ្រប់​គ្រង​ធុរកិច្ច និង​ទេសចរណ៍​បដិសណ្ឋារកិច្ច​

ព្រម​ទាំង​និស្សិត​ជំនា​ន់​ទី​២០ ជាច្រើនរូប​ទៀត​ដែលបាន​ចូលរួម​ក្នុង​កម្មវិធី​កិច្ច​ជំ​នួ​ប​និ​ស្សិត​ថ្មី នៅ​បន្ទ​ប់ស​ហ​សាល​ទី​១ និង​ទី​២ (Hall-01 និង Hall-02) ស្វា​គមន៍​យ៉ាង​កក់ក្តៅ ចំពោះ​វត្តមាន​របស់​ប្អូនៗ ដែល​ជា​និស្សិត​ថ្មី​ទាំងអស់ ដែល​មាន​វត្តមាន​នៅពេល​នោះ ហើយ​ដែល​បាន​សម្រេចចិត្ត​ជ្រើសរើស​យក សាកល​វិទ្យា​ល័យ​បៀល​ប្រា​យ ក្នុង​ការចូលរួម​ប​ណ្តុះ​បណ្តាល​ចំណេះ​ដឹង​និង​ជំ​នា​ញ​។​
​សូម​ផ្តាំផ្ញើរ​ឲ្យ​ប្អូនៗ ទាំងអស់​ដែល​បាន​ចូលរួម​ក្នុង​កម្មវិធី ធ្វើការ​ត្រង់ត្រាប់​ស្តាប់​នូ​វ​រាល់​បទ​បង្ហាញ​របស់​វាគ្មិន​មក​ធ្វើ​បទ​បង្ហាញ​ជា​បន្តបន្ទាប់ ដែល​វា​ជា​ការផ្តល់​នូ​វ​សេវាកម្ម​មួយ​ចំនួន​របស់ សាកល​វិទ្យា​ល័យ រួមមាន​ដូចជា​៖​

​1.​    ​ផែនការ​យុទ្ធសាស្ត្រ និង​កម្មវិធីសិក្សា​របស់​ស់កា​រិ​យាល័យ​ថ្នាក់​ឆ្នាំ​សិក្សា​មូលដ្ឋាន​
​2.​    ​សេវាកម្ម​ក្នុងកា​រិ​យាល័យ​សិក្សា និង​កម្រិត​អប់​រំ​ឧត្តម​សិក្សា​ជាមួយនឹង​ក្រម​ខ័​ណ្ឌ​គុណវុឌ្ឍិ​ជាតិ ស្តីពី​ច្រក​សិក្សា និង​កម្រិត​ប​ណ្តុះ​បណ្តាល​បច្ចេកទេ​សនិង​វិជ្ជាជីវៈ​
​3.​    ​សេវាកម្ម​ធានា​គុណភាព​អប់​រំ​ផ្ទៃក្នុង និង មូល​និធិ​
​4.​    ​សេវាកម្ម​របស់​ម​ជ្ឈ​មណ្ឌល​ភាសាបរទេស​
​5.​    ​សេវា​និស្សិត ចុះឈ្មោះ និង​ផ្សព្វផ្សាយ​
​6.​    ​សេវា​សិក្សា ប​ណ្ណា​ល័យ បន្ទ​ប់​អនុវត្តន៍​...​
​7.​    ​ការណែនាំ​និស្សិត​អោយ​ស្គាល់​ពី​ទីកន្លែង​ទទួល​សេវាកម្ម ស្គាល់​ទីតាំង​កា​រិ​យាល័យ​ប​ណ្ណា​ល័​យ បន្ទ​ប់​អនុវត្តន៍ អាគារ​លក់​ឯកសារ​ជាដើម​។​
​

ក្រោយពី​ការផ្សព្វផ្សាយ ក៏ដូចជា​ការធ្វើ​បទ​បង្ហាញ​ជា​បន្តបន្ទាប់​ដែល​ធ្វើឡើង​ដោយ​វាគ្មិន​នី​មួយៗ​រួចមក យើង​សង្កេតឃើញថា​ប្អូនៗ និស្សិត​មានភាព​រីករាយ​ក្នុង​ការ​ទទួលបាន​នូ​វ​ចំ​ណេះ​ក៏​ដូ​ជា ការ​យល់ដឹង​អំពី​សេវាកម្ម​នានា ដែល​សាកល​វិទ្យា​ល័យ បៀ​ល​ប្រាយ​ត្រូវ​ផ្តល់ជូន​ទៅកាន់​និស្សិត​។​សូម​អំណរគុណ​យ៉ាង​ជ្រាលជ្រៅ​ចំ​ពោះ​វាគ្មិន​និង​ប្អូនៗ និស្សិត​ថ្មី​ទាំងអស់ ដែល​បាន ចំណាយ​ពេលវេលាដ៏​មានតម្លៃ​ក្នុង​ការចូលរួម​ក្នុង​កម្មវិធី​បើក​បវេសនកាល សម្រាប់​និស្សិត​វគ្គ​ទី​១ និង​២ ព្រម​ជាមួយនឹង​ការ​ត្រង់ត្រាប់​ស្តាប់​នូ​វ​រាល់​ការធ្វើ​បទ​បង្ហាញ​នានា​ស្តីពី​សេវាកម្ម​របស់​សាកល​វិទ្យា​ល័យ​បៀល​ប្រាយ ដែល​វា​ជា​ការ​យល់ដឹង​ពី របៀប​រៀន របៀប​ទទួលបាន​សេវាកម្ម​របស់​សាក​វិទ្យា​ល័យ​។​
​ចុង​បញ្ចា​ប់​ថ្នាក់ដឹកនាំ​បាននាំ​និ​ស្សិត ដើម្បី​ចូលរួម​ទស្សនៈកិច្ច នៅតាម​កា​រិ​យាល័យ តាម​បន្ទ​ប់​សិក្សា ក្នុង​ប​ណ្ណា​ល័យ ក្នុង​បន្ទ​ប់​អនុវត្តន៍ ហើយ​កម្មវិធី​ត្រូវ​បានបញ្ចប់​នៅវេលា​កំណត់ គឺ​ពេលព្រឹក ម៉ោង ១១ និង​ពេល​រសៀល នៅ​ម៉ោង ៨ យ​ប់ នាទី ថ្ងៃខែ​ឆ្នាំ​ដដែល ក្រោម​បរិ​យា កាស​រីករាយ​រាក់ទាក់ និង ស្និទ្ធស្នាល​បំផុត​។​

 

​រាជធានី​ភ្នំពេញ ថ្ងៃទី​១៦ ខែតុលា ឆ្នាំ​២០១៩​