English
Khmer
បទបង្ហាញស្តីពី ការប្រកួតប្រជែងផែនការអាជីវកម្ម
ថ្ងៃសុក្រ ៥ កើត ខែជេស្ឋ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៧ ខែមិថុនា ឆ្នាំ២០១៩ សាកលវិទ្យាល័យបៀលប្រាយ រាជធានីភ្នំពេញ បានរៀបចំនិងសហការជាមួយ ក្រសួង អប់រំ យុវជន និងកីឡា (នាយកដ្ឋានគ្រប់គ្រងមជ្ឈមណ្ឌល) បានមកធ្វើបទបង្ហាញស្តីពី ការប្រកួតប្រជែងផែនការអាជីវកម្ម ដែលមានឈ្មោះថា អាជីវកម្មខ្ញុំ ក្នុងន័យជួយអភិវឌ្ឍយុវជន ឱ្យចេះអភិវឌ្ឍខ្លួនឯងកាន់តែប្រសើរឡើងនូវជំនាញ និងពង្រឹងឱកាសការងារដែលមានគុណភាពខ្ពស់ សម្រាប់ការងារទទួលបានការងារសមរម្យ និងមានទំនាក់ទំនងល្អ កម្មវិធីនេះផងដែរជួយឱ្យយុវជនចេះរៀបចំផែនការអាជីវកម្ម ដើម្បីយកទៅបង្កើតមុខរបរដោយខ្លួនឯង ទទួលបានជោគជ័យ ជួយអភិវឌ្ឍសហគមន៍ និងចូលរួមចំណែកកាត់បន្ថយ ភាពក្រីក្រភាពអត់ការងារធ្វើ និងការធ្វើចំណាកស្រុកដោយ ខុសច្បាប់របស់យុវជនដែលជាបញ្ហាប្រឈម នឹងងាយព្រោះងាយរងគ្រោះខ្លាំង។
#សារៈប្រយោជន៍នៃការចូលរួម៖
» យុវជននឹងទទួលបានចំណេះដឹងបន្ថែមលើការ បង្កើតអាជីវកម្ម
» យុវជនត្រូវចេះរៀបចំផែនការ អាជីវកម្មបានល្អ និងត្រឹមត្រូវ ដើម្បីយកទៅអនុវត្តប្រកបដោយប្រសិទ្ធភាពខ្ពស់
» យុវជនទទួលបានគំនិតថ្មីៗដើម្បីធ្វើការផ្លាស់ប្ដូរជាវិជ្ជមាន
» យុវជនទទួលបានជំនាញទំនាក់ទំនង និងការបង្កើតបណ្ដាញ ជាមួយសហគ្រិនជោគជ័យ។
ដើម្បីទទួលបានព័ត៌មានផ្សេងៗ អំពីការទទួលការដាក់ពាក្យ សុំចូលរួមប្រគួត បេក្ខជនអាចចូលតាមគេហទំព័ររបស់ ក្រសួង អប់រំ យុវជន និងកីឡា ដើម្បី download យកពាក្យសុំចូលរួមការប្រគួតដែលមានអាស័យដ្ឋានៈ www.moeys.gov.kh។
