ការប្រជុំសាស្រ្តាចារ្យស្តីពីការផ្សព្វផ្សាយ និងការរៀបចំ កម្មវិធីសិក្សាលម្អិត Course Syllabus

ការប្រជុំសាស្រ្តាចារ្យស្តីពីការផ្សព្វផ្សាយ និងការរៀបចំ

កម្មវិធីសិក្សាលម្អិត Course Syllabus

            ថ្ងៃ សុក្រ ១០រោច ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹង ឆ្នាំពីរពាន់ដប់ប្រាំបួនខែ

​មីនា ​ថ្ងៃទី០១ វេលាម៉ោង មួយនិងសាមសិបនាទីព្រឹក  បន្ទប់សាលប្រជុំ អគារ E បានរៀបចំកម្មវិធីប្រជុំផ្សព្វផ្សាយ និងពិភាក្សាពីការរៀបចំកម្មវិធីលម្អិត Course Syllabus សម្រាប់កម្មវិធីសិក្សាដើម្បីឆ្លើយតបទៅក្របខណ្ឌគុណវុឍ្ឍជាតិ ក្រោមអធិបតីដ៏ខ្ពង់ខ្ពស់របស់ បណ្ឌិត ម៉ឹក គឹមស្រឿន   នាយក​នៃសាកលវិទ្យាល័យបៀលប្រាយព្រមទាំងការចូលរួមពីសំណាក់ គណៈគ្រប់គ្រង សាស្រ្តាចារ្យ បុគ្គលិក។

(មានភ្ជាប់ក្នុងបញ្ជីវត្តមាន)។

គោលបំណង

  • ធ្វើបទបង្ហាញ ស្តីពីការផ្សព្វផ្សាយ និងការរៀបចំកម្មវិធីសិក្សាលម្អិត Course Syllabus
  • ការរៀបចំកម្មវិធីចូលឆ្នាំប្រពៃណីខ្មែរនៅថ្ងៃទី០៧ ខែមេសា ឆ្នាំ២០១៩

ខ្លឹមសារនៃអង្គប្រជុំ៖

          ជាកិច្ចចាប់ផ្តើម បណ្ឌិត ម៉ឹក គឹមស្រឿន   នាយកសាកលវិទ្យាល័យបៀលប្រាយសាខាខេត្តសៀមរាបបានចាប់ផ្តើមបើកកម្មវិធីនិង ស្វាគមន៍ និងសំណេះសំណាលជាមួយ គណៈគ្រប់គ្រង សាស្រ្តាចារ្យ ដែលបានចូលរួមទាំងអស់ក្នុងអង្គពិធីទាំងមូល។

          លោកបានបន្តថាប្រជុំថ្ងៃនេះគឺផ្តោតសំខាន់លើការរៀបចំកម្មវិធីសិក្សាថ្មី Course Syllabus អោយស្របទៅតាមក្របខ័ណ្ឌគុណវុឌ្ឍជាតិ។ និងត្រៀមខ្លួនសំរាប់ការចុះមកត្រួតពិនិត្យការងារតាមផ្នែកនីមួយៗរបស់គណៈកម្មាថិកាទទួលស្គាល់គុណភាពអប់រំនៅកម្ពុជាហៅកាត់ថា(ACC)។

ជាបន្ត លោក ឈួន ភារុន នាយករងនៃសាកលវិទ្យាល័យបៀលប្រាយធ្វើការរាយការណ៍ពីលទ្ធផលការងារសរុបនៅក្នុងមហាវិទ្យាល័យធុរកិច្ចក្នុងរយះពេលប្រាំមួយខែកន្លងមកដូចតទៅ៖

ជាកិច្ចចាប់ផ្តើមលោក ឈួន ភារុន ធ្វើការស្វាគមន៍ដល់ បណ្ឌិត ម៉ឹក គឹមស្រឿន នាយកសាខានៃសាកលវិទ្យាល័យបៀលប្រាយ និងសាស្រ្តាចារ្យទាំងអស់ដែលមានវត្តមាននៅក្នុងអង្គពិធីទាំងមូលនិងបង្ហាញពីគោលបំណងក្នុងកម្មវិធីនេះលោកបន្តថានៅក្នុងឆ្នាំសិក្សាថ្មីនេះ សាកលវិទ្យាល័យបៀលប្រាយបានទទួលនិស្សិតចូលរៀនមានចំនួនច្រើនជាងមួយពាន់នាក់លើសពីការរំពឹងទុករបស់សាកលវិទ្យាល័យបៀលប្រាយហើយក៏នៅតែមានការមកចុះឈ្មោះចូលរៀនជាបន្តបន្ទាប់ទៀតអ្វីដែល និងលើកយកមកនៅថ្ងៃនេះគឺការត្រៀមទទួលគណះកម្មាធិកាទទួលស្គាល់គុណភាពអប់រំនៅកម្ពុជា(ACC)ដែលកំណត់យកសាកលវិទ្យាល័យបៀលប្រាយខេត្តសៀមរាបដាក់ជាកន្លែងសម្រាប់ACC វាយតម្លៃដើម្បីឆ្លើយតបនិងសមិទ្ធិផលដែលល្អទាំងអស់នេះ លោក ឈួន ភារុន ស្នើសុំអោយមហាវិទ្យាល័យនានាត្រួតពិនិត្យការងារអោយបានល្អដើម្បីត្រៀមអោយគណះកម្មាធិកាទទួលស្គាល់គុណភាពអប់រំនៅកម្ពុជាមកពិនិត្យការងារ។

លោកនាយករង ឈួន ភារុន បានបន្តទៀតថាបញ្ហាដែលមហាវិទ្យាល័យកំពុងមមាញឹកខ្លាំងគឺ៖

.ការកែលំម្អពាក់ព័ន្ធ និងអវត្តមានរបស់និស្សិត

ចំពោះនិស្សិតដែលអវត្តមានច្រើនគឺធ្វើការហៅមកធ្វើកិច្ចសន្យាហើយបញ្ហាទាំងអស់នេះគឺដោយសារសាស្រ្តាចារ្យមិនបានកត់អវត្តមាននិស្សិតអោយបានត្រឹមត្រូវ និងទៀងទាត់ដូច្នេះ លោក នាយករង ឈួន ភារុន សំណូមពរអោយសាស្រ្តាចារ្យទាំងអស់ជួយសហការក្នុងបញ្ហានេះផង។

.បញ្ហាប្រលងរបស់និស្សិត

ដោយពីមុនការប្រលងរបស់និស្សិត គឺប្រលងតាមរយះសាស្រ្តាចារ្យដូច្នេះហើយទើបមានការលំបាកតែបច្ចុប្បន្នការប្រលងរបស់និស្សិត គឺរៀបចំតាមកាលវិភាគដោយសាស្រ្តាចារ្យជាអ្នកធ្វើអនុរក្ស     ដដែលហើយការប្រកាសលទ្ធផលគឺពីរសប្តាហ៍បន្ទាប់ពីការប្រលងរួច និងការប្រលងសងចន្លោះពីបីទៅបួនសប្តាហ៍បន្ទាប់ពីប្រកាសលទ្ធផលប្រលង។

          លោក ឈួន ភារុន បានបន្តថា ស្នើសុំអោយមានការ​ចេញទស្សនៈកិច្ចសិក្សានៅខាងក្រៅដោយអោយសាស្រ្តាចារ្យទាំងអស់ធ្វើសកម្មភាពនេះឡើងវិញ និងជុំរុញអោយនិស្សិតចេញធ្វើការស្ម័គ្រចិត្តនៅខាងក្រៅចំពោះនិស្សិតដែលមិនទាន់មានការងារធ្វើព្រោះសាកលវិទ្យាល័យទាមទារអោយនិស្សិតត្រូវទៅធ្វើការស្ម័គ្រចិត្តនៅតាមស្ថាប័ននីមួយៗ បន្ទាប់ពីបញ្ចប់ការងារជាមួយស្ថាប័នផ្សេងៗនិស្សិតទាំងអស់ត្រូវមានCertificateបញ្ជាក់ពីកន្លែងការងារមកជាមួយដើម្បីប្រគល់អោយដល់សាលាជាការដាក់ពិន្ទុបន្ថែម។

          លោក កាំង ចន្ថា ធ្វើការរាយការណ៍អំពី Course Syllabus និងបង្ហាញពីការធ្វើសៀវភៅ Course Syllabus ថ្មី។ លោក បន្តទៀតថាក្រសួងតម្រូវអោយរៀន មួយក្រេឌីត ស្មើដប់ប្រាំម៉ោង ការប្រតិបតិ្ត មួយក្រេឌីតស្មើសាមសិបម៉ោង និងការអនុវត្តជាក់ស្តែង មួយក្រេឌីតស្មើសែសិបប្រាំម៉ោង។

 

កម្មវិធីសិក្សាលម្អិត

មុខវិជ្ជា                  ៖   នីតិពាណិជ្ជកម្ម១ (Commercial Law I)

លេខកូដ                ៖  LAW013

ចំនួនក្រេឌីត           ៖   ៣ ក្រេឌីត រយៈពេល៤៥ម៉ោង (ទ្រឹស្តី៣០ម៉ោង និង ការអនុវត្ត១៥ម៉ោង)

-ការពិពណ៌នាមុខវិជ្ជា

             នីតិពាណិជ្ជកម្ម១ គឺជាមុខវិជ្ជាឯកទេសមួយដែល​ផ្ដល់ឱ្យនិស្សិតនូវការយល់ដឹងទាក់​ទងទៅ​នឹង​​​សកម្មភាពពាណិជ្ជកម្ម រួមមាន​ គោល​​ការណ៍​​ទូទៅនៃច្បាប់ពាណិជ្ជកម្ម ការញែកចេញនូវ​សញ្ញាណ​ពាណិជ្ជកិច្ចនិងពាណិជ្ជករទៅនឹង​សញ្ញាណ​ប្រហាក់ប្រហែលផ្សេងៗទៀត។ វាចូលរួមយ៉ាង​សកម្ម និងជាធាតុបង្កើត​មូលនិធិ​ពាណិជ្ជ​កម្ម និងកិច្ចសន្យាពាណិជ្ជកម្ម​ ដោយមានស្ថាប័នពាណិជ្ជកម្ម​ ដែលមានតួនាទីក្នុងការជំរុញ​សកម្ម​ភាព​ពាណិជ្ជ​កម្ម​ឱ្យ​មាន​ភាពរីកចម្រើនស្របតាមបច្ចេកវិទ្យា ទំនើប​លើ​​ពិភពលោក  ព្រមទាំង​ការ​អនុវត្តជាក់​ស្តែង​​ដែល​ជាខ្សែ​ចង្វាក់​ផលិតកម្មពាណិជ្ជកម្មនៅ​ក្នុង​​ព្រះរាជា​ណាចក្រ​​កម្ពុជា។

-លទ្ធផលសិក្សារំពឹងទុក

​បន្ទាប់ពីបញ្ចប់ការសិក្សាមុខវិជ្ជា នីតិពាណិជ្ជកម្ម១ និស្សិតនឹងអាច៖

១-   ទទួលបានចំណេះដឹងលើវិធានឯកជនជាមូលដ្ឋាន

២-   បង្ហាញសមត្ថភាពប្រឹក្សាផ្នែកច្បាប់ធុរកិច្ចបានខ្លះ

៣-   ពន្យល់ច្បាប់ធុរកិច្ចបានខ្លះ

៤-   វិភាគលើបញ្ហាដែលកើតមានក្នុងវិស័យច្បាប់ធុរកិច្ច

៥-   ប្រាស្រ័យទាក់ទងជាមួយអ្នកជំនាញដើម្បីបង្កើនចំណេះផ្នែកច្បាប់ធុរកិច្ច

៦-   ធ្វើការប្រាស្រ័យទាក់ទងជាមួយអ្នកជំនាញច្បាប់ធុរកិច្ច និងសហគមន៍ប្រកបដោយ​ប្រសិទ្ធភាព តាមរយៈ​ការពិភាក្សា និងបកស្រាយច្បាប់ឬអង្គហេតុ។

-តារាងខ្លឹមសារមេរៀននិងសកម្មភាព

សប្តាហ៍

ខ្លឹមសារមេរៀន

សកម្មភាពបង្រៀន រៀន និង វាយតម្លៃ

- ការណែនាំខ្លួននិងបង្ហាញទិសដៅនៃមុខវិជ្ជា

- សេចក្ដីផ្ដើមនៃនីតិពាណិជ្ជកម្ម១

-សាស្ត្រាចារ្យបង្ហាញកម្មវិធីសិក្សាលម្អិតនិងបង្រៀនមេរៀន

-សំណួរនិងចម្លើយ

មេរៀនទី១៖ សញ្ញាណនៃនីតិពាណិជ្ជកម្ម

ផ្នែកទី១-លក្ខណៈទូទៅនៃនីតិពាណិជ្ជកម្ម

ផ្នែកទី២-លក្ខណៈពិសេសនៃនីតិពាណិជ្ជកម្ម                    

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

ផ្នែកទី៣-ប្រភពនៃនីតិពាណិជ្ជកម្ម                     

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

-ផ្តល់ប្រធានបទស្រាវជ្រាវទី១

-ប្រឡងប្រចាំខែ

មេរៀនទី២៖ ពាណិជ្ជកិច្ច  

ផ្នែកទី១-សញ្ញាណនៃពាណិជ្ជកិច្ច

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

ផ្នែកទី២-ប្រភេទ​នៃពាណិជ្ជកិច្ច

-សាស្ត្រាចារ្យបង្រៀនដោយប្រើ Laptop, LCD, Slides,...

-និស្សិតពិភាក្សាជាក្រុមនិងធ្វើបទបង្ហាញក្នុងថ្នាក់ អំពីករណីសិក្សាដោយមានជំនួយពីសាស្ត្រាចារ្យ

-សំណួរនិងចម្លើយ

ផ្នែកទី២-ប្រភេទ​នៃពាណិជ្ជកិច្ច (ត)

-សាស្ត្រាចារ្យបង្រៀនដោយប្រើ Laptop, LCD, Slides,...

-និស្សិតធ្វើបទបង្ហាញលើប្រធានបទដែលសាស្រ្តាចារ្យផ្តល់ឱ្យ

-សំណួរនិងចម្លើយ

ផ្នែកទី២-ប្រភេទ​នៃពាណិជ្ជកិច្ច (តចប់)

រំលឹកមេរៀនត្រៀមប្រឡងពាក់កណ្ដាលឆមាស

-សាស្ត្រាចារ្យបង្រៀនដោយប្រើ Laptop, LCD, Slides,...

-និស្សិតធ្វើបទបង្ហាញលើប្រធានបទដែលសាស្រ្តាចារ្យផ្តល់ឱ្យ

​មេរៀនទី៣៖ ពាណិជ្ជករ

ផ្នែកទី១-សញ្ញាណ​ទូទៅ​នៃ​ពាណិជ្ជករ

-ប្រឡងពាក់កណ្ដាលឆមាស

-សាស្ត្រាចារ្យបង្រៀនដោយប្រើ Laptop, LCD, Slides,...

-ផ្តល់ប្រធានបទស្រាវជ្រាវទី២

ផ្នែកទី១-សញ្ញាណ​ទូទៅ​នៃ​ពាណិជ្ជករ(តចប់)

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

១០

ផ្នែកទី២-លក្ខខណ្ឌអនុវត្ត​ពាណិជ្ជកិច្ច

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

-និស្សិតធ្វើបទបង្ហាញលើប្រធានបទដែលសាស្រ្តាចារ្យផ្តល់ឱ្យ

១១

ផ្នែកទី៣-កាតព្វកិច្ចរបស់ពាណិជ្ជករ

-សាស្ត្រាចារ្យបង្រៀនដោយប្រើ Laptop, LCD, Slides,...

-និស្សិតធ្វើបទបង្ហាញលើប្រធានបទដែលសាស្រ្តាចារ្យផ្តល់ឱ្យ

១២

មេរៀនទី​៤៖ ​មូលនិធិពាណិជ្ជកម្ម      

ផ្នែកទី១-សញ្ញាណនៃមូលនិធិពាណិជ្ជកម្ម

ផ្នែកទី២-សមាសធាតុនៃមូលនិធិពាណិជ្ជកម្ម

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

១៣

ផ្នែកទី២-សមាសធាតុនៃមូលនិធិពាណិជ្ជកម្ម

-សាស្ត្រាចារ្យបង្រៀនដោយប្រើ Laptop, LCD, Slides,...

-និស្សិតពិភាក្សាជាក្រុមនិងធ្វើបទបង្ហាញក្នុងថ្នាក់ អំពីករណីសិក្សាដោយមានជំនួយពីសាស្ត្រាចារ្យ

-សំណួរនិងចម្លើយ

១៤

ផ្នែកទី៣-ការលក់មូលនិធិពាណិជ្ជកម្ម

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

១៥

ផ្នែកទី៤-ការបញ្ចាំមូលនិធិពាណិជ្ជកម្ម

-រំលឹកមេរៀនត្រៀមប្រឡងបញ្ចប់ឆមាស

-សាស្ត្រាចារ្យបង្រៀនដោយប្រើ Laptop, LCD, Slides,...

-សំណួរនិងចម្លើយ

 

ប្រឡងបញ្ចប់ឆមាស

 

-វិធីសាស្រ្តវាយតម្លៃ

វិធីសាស្ត្រវាយតម្លៃការសិក្សារបស់និស្សិត

ពិន្ទុ

ភាពឆ្លើយតបនៃវិធីសាស្រ្តវាយតម្លៃទៅនឹងលទ្ធផលរំពឹងទុកនីមួយៗនៃមុខវិជ្ជា

នីមួយៗ

Ind.

សរុប

Total

-ការវាយតម្លៃជាប្រចាំ (On-going Assessment)

 

៤០%

 

  -វត្តមាន (Class Attendance)

៥%

 

១, ២, ៣, ៤, ៥​ និង​ ៦

  ខ-សកម្មភាពចូលរួមក្នុងថ្នាក់ (Class Participation)

៥%

 

១, ២, ៣, ៤, ៥​ និង​ ៦

  គ-លំហាត់តូចៗ (Quiz)

១០%

 

៣, ៤, ៥ និង ៦

  ឃ-កិច្ចការស្រាវជ្រាវជាបុគ្គល (Ind. Assignment)

១០%

 

១, ២, ៣ និង ៤

  -កិច្ចការស្រាវជ្រាវជាក្រុម (Group Assignment)

១០%

 

៣, ៤, ៥ និង ៦

២-ប្រឡងពាក់កណ្តាល​​ឆមាស (Mid-Term Exam)

 

២០%

១, ២, ៣ និង ៤

៣-ប្រឡងបញ្ចប់ឆមាស (Final Exam)

 

៤០%

១, ២, ៣ និង ៤

ពិន្ទុសរុប

១០០%

 

-សៀវភៅសិក្សានិងឯកសារសិក្សាផ្សេងៗ

+ សៀវភៅសិក្សាគោល

លោក ម៉ឹក គឹមស្រូយ នីតិពាណិជ្ជកម្ម១ បោះពុម្ព​ដោយ​​សាកលវិទ្យាល័យបៀលប្រាយ

+ សៀវភៅនិងឯកសារជំនួយផ្សេងៗទៀត

១- ច្បាប់ស្តីពីវិធានពាណិជ្ជកម្មនិងបញ្ជីពាណិជ្ជកម្ម ឆ្នាំ១៩៩៥

២-        មូលដ្ឋានគ្រឹះនៃច្បាប់ពាណិជ្ជកម្ម របស់ធនាគារអភិវឌ្ឍន៍អាស៊ី (ADB)

៣-        កម្រងច្បាប់ស្តីពី​ពាណិជ្ជកម្មនិងច្បាប់ស្តីពីកម្មសិទ្ធិបញ្ញា ភាគ១និងភាគ២

            លោកនាយក ម៉ឹក គឹមស្រឿន បានបន្ថែមថា សំរាប់និស្សិតបរិញ្ញាបត្ររងនិងនិស្សិតទាំងអស់ពេលបញ្ចប់ឆ្នាំទី២គឺត្រូវបំពេញកម្មសិក្សា Intern Ship ដែលមានបីក្រេឌីត ស្មើកៅសិបម៉ោងដោយទៅធ្វើការស្ម័គ្រចិត្តជាមួយស្ថាប័នផ្សេងៗដើម្បីអោយបាន Certificate មកប្រគល់ដល់សាលាទើបអាចបន្តចូលការសិក្សាឆ្នាំទីបីបាន។

            Course Learnning Out Comes

Course Learning Outcomes

Program Learning Outcomes

Course

CLOs

PLO1

PLO2

PLO3

PLO4

PLO5

PLO6

PLO7

PLO8

C101

CLO1

X

 

 

X

 

X

 

X

CLO2

 

X

 

 

X

 

 

X

CLO3

 

 

X

X

 

 

X

X

CLO4

 

X

 

X

 

X

 

X

C102

CLO1

X

 

X

 

 

X

 

 

CLO2

X

 

 

X

 

 

X

 

CLO3

 

X

X

 

 

 

 

X

 

            អ្នកគ្រប់គ្រងត្រូវធ្វើ Program Course Learnning Outcomes ហើយមានតួនាទីត្រួតពិនិត្យនៅរាល់Program Learnning Outcomes មាន៣៩មុខ និងសំណូមពរដល់សាស្រ្តាចារ្យទាំងអស់រៀប Course Learnning Outcomes ធ្វើយ៉ាងណាអោយស៊ីសង្វាក់ជាមួយមាតិកាមេរៀន។

          លោកនាយកធ្វើការសន្និដ្ឋានរួមក្នុងអង្គប្រជុំថ្ងៃនេះគឺ៖

.សាស្រ្តាចារ្យទាំងអស់ត្រូវត្រៀមការវាយតម្លៃរបស់ គណៈកម្មាធិកា ទទួលស្គាល់គុណភាពអប់រំនៅកម្ពុជា(ACC)ក្នុងការរៀបចំ​ Coures Syllabus និងត្រូវគោរពតាមក្របខ័ណ្ឌគុណវុឌ្ឍជាតិ។

.សូមគោរពតាមឯកសារយោងដោយយកតែពីរមុខវិជ្ជាហើយមួយមុខវិជ្ជាយកតែពីរក្បាលតែប៉ុណ្ណោះ។

.អោយមានការអនុវត្ត Course Syllabus រំលេចចេញជាទ្រឹស្តី និងការអនុវត្ត ដោយបែងចែកជាពីរឬបីក្រេឌីតសម្រាប់ទ្រឹស្តីមានសាមសិបម៉ោង និងសាមសិបម៉ោងទៀតនិស្សិតធ្វើការអនុវត្តដោយខ្លួន     ឯង។

.ការរៀបចំកម្មវិធីចូលឆ្នាំប្រពៃណីខ្មែរដោយប្រារព្វ  នៅថ្ងៃទី០៦និងទី០៧ រៀបចំកម្មវិធីសង្រ្កាន

សាកលវិទ្យាល័យបៀលប្រាយ ហើយថ្ងៃទី០៧មានកម្មពិធីពិសារភោជនីអាហារសាមគ្គីនៅម៉ោង ៦.០០ល្ងាចនៅសាកលវិទ្យាល័យបៀលប្រាយ។

សមាជីកចូលរួមឧបត្ថមជាថវិកាក្នុងកម្មវីធីពិសាអាហារសាមគ្គីនៅថ្ងៃទី០៧ ខែមេសា ឆ្នាំ២០១៩មានដូចជា៖

  • លោក នាយក ម៉ឹក គឹមស្រឿន ឧបត្ថម្ភ ១០០ដុល្លាអាមេរិក
  • គណៈគ្រប់គ្រងនៃសាកលវិទ្យាល័យបៀលប្រាយក្នុងមួយ ឧបត្ថម្ភ៥០ដុល្លាអាមេរិក
  • សាស្រ្តាចារ្យក្នុងមួយនាក់ ឧបត្ថម្ភ ១៥ដុល្លាអាមេរិក
  • និស្សិតចូលរួមមួយនាក់ ១០ដុល្លាអាមេរិក

ក្នុងឱកាសជាចុងក្រោយនេះលោកនាយកធ្វើការថ្លែងអំណរគុណចំពោះ គណៈគ្រប់គ្រង សាស្រ្តា

ចារ្យ​​ ទំាងអស់ដែលបានមកចូលរួម សូមអោយមានសុខភាពល្អ និងជោគជ័យបន្តទៀត និងធ្វើការថតរូបជុំគ្នាទុកជាអនុស្សាវរីយ៍។

          អង្គកម្មវិធីនេះក៏បានបញ្ចប់នៅវេលាម៉ោង០៥និង១៥នាទីនា ថ្ងែខែឆ្នាំដដែលក្រោមបរិយាកាសសប្បាយរីករាយ។