ការវាយតម្លៃចរិយាសម្បទារបស់និស្សិតឲ្យឆ្លើយតបទៅ នឹងតម្រូវការរបស់គ្រឹះស្ថានឧត្ដមសិក្សា

ការវាយតម្លៃចរិយាសម្បទារបស់និស្សិតឲ្យឆ្លើយតបទៅ

នឹងតម្រូវការរបស់គ្រឹះស្ថានឧត្ដមសិក្សា

ស្ថានភាពទូទៅ

ថ្ងៃពុធ៨រោច ខែមាឃ ឆ្នាំច សំរឹទិ្ឋស័ក ពុទ្ធសករាជ ២៥៦២ ត្រូវនឹងថ្ងៃទី២៧ ខែ កុម្ភៈ  ឆ្នាំ២០១៩ នៅវេលា​​ម៉ោងប្រាំបី និងសូន្យៗនាទីព្រឹក  នៅសាលប្រជុំអគារE ក្រោមអធិបតីភាព លោក បណ្ឌិត ម៉ឹក គឹមស្រឿន នាយកសា នៃសា​ក​-ល​វិទ្យាល័យ បៀល​ប្រាយ សាខាខេត្តសៀមរាប។បានរៀបចំវគ្គបណ្តុះបណ្តាលស្តីអំពីការវាយតម្លៃចរិយាសម្បទារបស់និស្សិតឲ្យឆ្លើយតបទៅនឹងតម្រូវការរបស់គ្រឹះស្ថានឧត្ដមសិក្សាមានការពន្យល់ដោយ ឯកឧត្តម ប៉ែន ស៊ីថុល ជាអគ្គលេ-

ខា​ធិការរង និងលោក បណ្ឌិត ពៅ ពិសិដ្ឋ ជាអនុប្រធាននាយកដា្ឋនសហប្រត្តិបត្តិការ និងព័ត៌មានដែលមានការចូលរួមពី

គណៈគ្រប់គ្រង បុគ្គលិក និងសាស្រ្តចារ្យផងដែរ។

គោលបំណង:

-​   ពន្យល់អំពីវិធីសាស្រ្តវាយតម្លៃចរិយាសម្បទានរបស់និស្សិត

- បង្កើតក្របខណ្ឌទស្សនាទាន សម្រាប់កំណត់លទ្ធផលសិក្សាទាក់ទងនឹងការវាយតម្លៃចរិយាសម្បទារបស់និស្សិត។

-   អភិវឌ្ឍនិទេ្ទសបទសម្រាប់វាយតម្លៃចរិយាសម្បទារបស់និស្សិត។

(មានភ្ជាប់ក្នុងបញ្ជីវត្តមាន និងស្លាយបទបង្ហាញ)

ដំណើរនៃការបណ្តុះបណ្តាល​៖

ជាកិច្ចចាប់ផ្តើមលោក បណ្ឌិត ម៉ឹក គឹមស្រឿន នាយកសាខា នៃសាកលវិទ្យាល័យ បៀលប្រាយ បានមានប្រសាសន៍ សូមគោពរនិងអំណរគុណចំពោះ ឯកឧត្តម ប៉ែន ស៊ីថុល ជាអគ្គលេខាធិការរង និងលោក បណ្ឌិត ពៅ ពិសិដ្ឋ ជាអនុប្រធាននាយកដា្ឋនសហប្រត្តិបត្តិការនិងព័ត៌មានក៏ដូចជាក្រុមការងារសូមគោពរ គណៈគ្រប់គ្រង សាស្រ្តចារ្យ បុគ្គលិក ដែលមានវត្តមានក្នុងអង្គប្រជុំនៅថ្ងៃនេះ។សាកលវិទ្យាល័យមានកិត្តិយសណាស់ ​​ដែលបានលោកឯកឧត្ដមអគ្គ-លេខាធិការរងទទួលស្គាល់គុណភាពអប់រំនៃកម្ពុជាបានចំណាយពេលវេលា​​ដ៏មានតម្លៃដែលបានអញ្ជើញចុះមកធ្វើបទបង្ហាញ ស្តីអំពីការវាយតម្លៃចរិយាសម្បទារបស់និស្សិត​ ដល់គណៈគ្រប់គ្រង បុគ្គលិក សាស្រ្តាចារ្យ នៅសាកលវិទ្យាល័យ បៀលប្រាយ សាខាខេត្តសៀមរាប។

            បន្ទាប់មក ឯកឧត្តម ប៉ែន ស៊ីថុល បានមានប្រសាសន៍សូមគោពរលោកនាយក លោកនាយករង គណៈគ្រប់គ្រង សាស្រ្តចារ្យ និងបុគ្គលិកនៅសាកលវិទ្យាល័យ បៀលប្រាយ គោលបំណងដែលខាងយើងខ្ញុំមកគឺបន្តការងារពីឆ្នាំ​២០១៨

ខាង ACC យើងបានបណ្តុះបណ្តាលទៅលើស្ដង់ដាទាំង៩ដោយច្បិចយកចំណុចសំខាន់ៗ ហើយអ្វីដែលយើងបាន​​ធ្វើ២០១៨ ទាក់ទងទៅនិងការអភិវឌ្ឍន៏កម្មវិធីអប់រំ ដែលធ្វើអោយស្របតាមក្របខណ្ឌគុណវុឌ្ឍិជាតិដែលទាក់ទងនិងស្ដង់ដាទី៤។ ដូចនេះក្របខណ្ឌគុណវុឌ្ឍិជាតិយើងរៀបចំអោយមានកម្មវិធីអប់រំ និងកម្មវិធីសិក្សាគឺយើងផ្ដោតលើលទ្ឋផលសិក្សារបស់និស្សិត នៅចំណុចមួយទាក់ទងនិងការវាយតម្លៃការសិក្សារបស់និស្សិតគេផ្ដោតលើផ្នែកផ្សេងៗគ្នា។សម្រាប់សិក្ខាសាលានេះអាចអោយក្រុមការងារបានផ្ទេរចំណះដឹង និងបទពិសោធន៏មួយចំនួនចែកជួនដល់ គណៈគ្រប់គ្រង បុគ្គលិក

សាស្រ្តាចារ្យ អោយបានយល់ដឺង និងមានអនុវត្តន៏ជាក់ស្តែងនៅពេលធ្វើបទបង្ហាញចប់។

ជាបន្ត ឯកឧត្តម ប៉ែន ស៊ីថុល បានធ្វើបទបង្ហាញអំពី Affective Domain ដូចតទៅ៖

គោលបំណង៖ ស្វែងយល់ពី Bloom’s Taxonomy: Affective Domain

លទ្ធផលរំពឹងទុក

• រំលឹកឡើងវិញពី Affective Domain
• រៀបរាប់ពីកម្រិតសិក្សានីមួយៗ​នៃ Affective Domain
• បង្ហាញពីទំនាក់ទំនងនៃ Affective Domain ក្នុងការអប់រំ។

១. អ្វីទៅជា​ Affective Domain?

5. Bloom’s Texonomy ត្រូវបានបង្កើតឡើងនៅឆ្នាំ1956 ក្រោមការដឹកនាំរបស់ចិត្តវិទូខាងការអប់រំ បណ្ឌិត Benjamin Bloom ដើម្បីលើកកម្ពស់ការគិតក្នុងការអប់រំ ដូចជាការវិភាគ និងការវាយតម្លៃគំនិតគោល(Concepts) ដំណើរការនីតិវិធី (Procedures) និងគោលការណ៍(Principles) ជាជាងគ្រាន់តែការចងចាំឬរៀនទន្ទិញចាំមាត់(rote learning) ។ Bloom’s Taxonomy ត្រូវបានប្រើក្នុងការរៀបចំការអប់រំ      ការបណ្តុះបណ្តាល និងដំណើរការសិក្សា។

5. The Affective Domain (ពីឡាតាំង affectus មានន័យថា "អារម្មណ៍” “ Feelings”) រួមបញ្ចូលដូចជា អាកប្បកិរិយា (Attitudes) តម្លៃ (Values) ជំនឿ(Beliefs) មតិយោបល់(Opinions) ការចូលចិត្ត(Interests) និងការលើកទឹកចិត្ត(Motivation)។
5. វត្ថុបំណងអប់រំនៅក្នុង Affective Domain ផ្តោតទៅលើចំណាប់អារម្មណ៍របស់អ្នកសិក្សា(Interests) ការរំភើបចិត្ត(Emotions) ការយល់ឃើញ​(Perceptions) ទឹកចិត្ត(Tones) ក្តីប៉ងប្រាថ្នា(Aspirations) និងកម្រិតនៃការទទួលយកឬបដិសេធ ទៅនឹងខ្លឹមសារនៃការ     បណ្តុះបណ្តាល។ (Belanger & Jordan, 2000)
5. AFFECTIVE DOMAIN

- Feelings

- Attitudes

- Motivation

- Emotions

- Values

- Beliefs

- Interests

២. កម្រិតយល់ដឹងនៅក្នុង​ Affective Domain

5. The Affective Domain រៀបរាប់ពីវត្ថុបំណងនៃការអប់រំដែល

សង្កត់ធ្ងន់លើស្ថានភាពផ្លូវចិត្ត ការរំភើបចិត្ត

ឬកម្រិតនៃការទទួលយក ឬការបដិសេធ។

5.  អ្នកចិត្តវិទ្យាភាគច្រើនពិពណ៌នាអំពី "កម្រិតនៃការយល់ដឹង"

ចំនួន៥កម្រិតនៅក្នុង Affective Domain។

៣. ទំនាក់ទំនងនៃ Affective Domain ក្នុងការអប់រំ?

១,ការសិក្សាជាច្រើននៅក្នុងវិស័យអប់រំអំពីចរិយាសម្បទា(Affective Domain)រួមបញ្ចូល៖

• • អាកប្បកិរិយា(Attitudes)
  • តម្លៃ (Values)
  • ជំនឿ(Beliefs)
  • មតិយោបល់(Opinions)
  • ការចូលចិត្ត(Interests)
  • ការលើកទឹកចិត្ត(Motivation)
  • ការរំភើបចិត្ត(Emotions)
  • ការយល់ឃើញ​(Perceptions)
  • ក្តីប៉ងប្រាថ្នា(Aspirations)
  • កម្រិតនៃការទទួលយក ឬ បដិសេធ ទៅនឹងខ្លឹមសារនៃការបណ្តុះបណ្តាល។ (Belanger & Jordan, 2000)

២,ការអប់រំចរិយាសម្បទាគឺជាការអភិវឌ្ឍ

• • Values
  • Ethics
  • Appropriation
  • Attitudes
  • Character development
  • Cooperation
  • Self-responsibility
  • Self-concept and Self-esteem
  • Decision-making skills

• • Self-management and control
  • Valuing What is Being Learned
  • Incorporating Values Into Life

បន្ទាប់មក ឯកឧត្តម ប៉ែន ស៊ីថុល បានបង្ហាញអំពី វិធីសាស្រ្តវាយតម្លៃចរិយាសម្បទារបស់និស្សិដូចខាងក្រោម៖

គោលបំណង ៖ជំរុញការអនុវត្តវិធីសាស្រ្តវាយតម្លៃចរិយាសម្បទារបស់និស្សិត។

លទ្ធផលរំពឹងទុក

• ពន្យល់ពីមូលហេតុនៃការវាយតម្លៃចរិយាសម្បទា
• កំណត់ទស្សនៈខុសៗគ្នាដែលទាក់ទងនឹងការវាយតម្លៃលទ្ធផលសិក្សានៃចរិយាសម្បទា
• បង្ហាញភាពខុសគ្នានៃវិធីសាស្រ្តវាយតម្លៃលើលទ្ធផលសិក្សាទាក់ទងនឹងចរិយាសម្បទា
• បង្កើតឧបករណ៍វាយតម្លៃផ្សេងៗសម្រាប់វាយតម្លៃលទ្ធផលសិក្សាទាក់ទងនឹងចរិយាសម្បទា។

១. ហេតុអ្វីត្រូវធ្វើការវាយតម្លៃលើចរិយាសម្បទា?

5. ជាទូរទៅការវាយតម្លៃលើចរិយាសម្បទាធ្វើឡើងដើម្បី៖

- ជ្រើសរើសបុគ្គលិក

- ជ្រើសរើសមេដឹកនាំ

- តម្លើងឋានៈ

- ស្ទង់ពីការពេញចិត្តរបស់អតិថិជន/ភ្ញៀវ

- ស្ទង់ពីការយល់ឃើញ/ពេញចិត្ត/ចូលចិត្តទៅលើអ្វីមួយ

- រើសគូរស្រករ/មិត្ត

5. សម្រាប់ការអប់រំ ការវាយតម្លៃលើចរិយាសម្បទារបស់និស្សិត៖

-ជាមធ្យោបាយយ៉ាងសំខាន់ដើម្បីទទួលព័ត៌មានពីអារម្មណ៍វិជ្ជមាននិងដើម្បីទប់ស្កាត់អារម្មណ៍អវិជ្ជមានដែលមានសម្រាប់បុគ្គលម្នាក់ៗ

-ជួយឱ្យគ្រូបង្រៀនអាចអន្តរាគមដល់និស្សិតទាន់ពេលវេលា

-ជួយលើកកម្ពស់ការសិក្សារបស់និស្សិតដូចគ្នានឹងការវាយតម្លៃវិជ្ជានិងបំណិតសម្បទារបស់និស្សិត

-ក្នុងនាមជាគ្រូបង្រៀនយើងក៏ចាប់អារម្មណ៍នឹងអាកប្បកិរិយារបស់និស្សិតចំពោះការរៀនមុខវិជ្ជាដូចជាវិទ្យាសាស្រ្ត គណិតវិទ្យា ជាដើម

-យើងចង់ស្វែងរកវិធីសាស្រ្តបង្រៀនដែលលើកទឹកចិត្តដល់សិស្ស និងទាញចំណាប់អារម្មណ៍របស់និស្សិតឲ្យខិតខំសិក្សា

-និស្សិតដែលមានអារម្មណ៍ល្អនិងចូលរួមដោយសប្បាយចិត្តទំនងជាយកចិត្ត ទុកដាក់លើការសិក្សា ចងចាំមេរៀន និងអនុវត្តបានល្អ។

២.តើប្រភេទចរិយាសម្បទាអ្វីខ្លះដែលត្រូវវាយតម្លៃ​?

៣. វិធីសាស្រ្តក្នុងការវាយតម្លៃចរិយាសម្បទា

5. ចរិយាសម្បទាជាផ្នែកមួយដែលពិបាកក្នុងការវិភាគវាយតម្លៃដោយសារលទ្ធផលសិក្សានៃផ្នែកនេះមានលក្ខណៈផ្សេងៗគ្នាជាច្រើន រាប់ចាប់ពីការយកចិត្តទុកដាក់សាមញ្ញរហូតដល់ភាពស្មុគស្មាញនៃចរិតលក្ខណៈ និងមន​សិការ​​​នៃបុគ្គលម្នាក់ៗ។
5. គួរកត់សម្គាល់ថាវាមានការលំបាកក្នុងការកំណត់វត្ថុបំណងអប់រំដែលអាចវាយតម្លៃបានស្រួលដោយហេតុថា លទ្ធផលសិក្សានៃចរិយាសម្បទាច្រើនផ្តោតតែទៅលើអារម្មណ៍និងដំណើរការខាងក្នុងនៃខួរក្បាលនិងរាងកាយដែលមិនអាចវាស់វែងដោយប្រើវិធីសាស្រ្តបុរាណ។

គោលការណ៍ជាមូលដ្ឋានក្នុងការវាយតម្លៃចរិយាសម្បទា៖

១. វាយតម្លៃតែសម្រាប់ការជួយ សម្រាប់ការកើនឡើង ដោយមិនធ្វើឲ្យធ្លាក់ទឹកចិត្ត។

២.ស្វែងយល់ពីភាពងាយប៉ះពាល់ដល់អារម្មណ៍របស់និស្សិតនិងព្យាយាមធ្វើឲ្យនិស្សិតន​​អារម្មណ៍​​​​​​​​​ធម្មតា​តាម
រយៈការវាយតម្លៃចរិយាសម្បទារបស់ពួកគេ។

៣.ត្រូវយកចិត្តទុកដាក់និងប្រុងប្រយ័ត្នក្នុងការវាយតម្លៃព្រោះអាចប៉ះពាល់ដល់     អារម្មណ៍របស់និស្សិត។  

៤.ក្នុងការវាយតម្លៃអាកប្បកិរិយាឬអារម្មណ៍របស់និស្សិតត្រូវយកចិត្តទុកដាក់ឲ្យបានគ្រប់គ្រាន់ក្នុងការផ្លាស់ប្តូរឬ
​ ​​សម្របសម្រួលរបៀបបង្រៀនធ្វើយ៉ាងណាឲ្យនិស្សិតយល់ថាការវាយតម្លៃធ្វើឡើងសមស្រប និងមានគោលបំណងច្បាស់លាស់។ (Petrosyan, Khachatryan et al 2005).

ដំណើរការវាយតម្លៃ (Assessment Process)

• កំណត់ឥរិយាបថ (Define the behaviors)
• ផែនការសង្កេតការណ៍ជាប្រព័ន្ធ (Systematic observation plan)
• កំណត់សមាសភាគសំខាន់ៗនៃចរិយាសម្បទា
  (Determine important affective components, e.g. Cooperation, fair play, caring, etc.)
• សម្រេចចិត្តលើទម្រង់សម្រាប់វាយតម្លៃ (Decide format for assessment, e.g. What type of rubric or questionnaire will be used?)
• បង្កើតទម្រង់រង្វាយតម្លៃ បន្ទាប់មកសាកល្បងដំណើរការវាយតម្លៃ
• (Develop assessment then try it out)

៤. ឧបករណ៍សម្រាប់វាយតម្លៃចរិយាសម្បទា

១. ការសង្កេត (Observation)

២. បញ្ជីត្រួតពិនិត្យ (A Checklist)

៣. ការដាក់ចំណាត់ថ្នាក់(Rating Scales )

៤. ស្វ័យរបាយការណ៍/វាយតម្លៃ (Self-Report/Assessment)

៥. កំណត់ត្រាប្រចាំថ្ងៃ (Journal)

៦. សំណុំឯកសារ (Portfolios)

៧. ការងារជាក្រុម (Group work)

៨.​ ការធ្វើគម្រោង (Individual/Creative Projects)

៩.​ ការវាយតម្លៃគ្នាទៅវិញទៅមក (Peer Evaluation/ Peer Rating)

១០.​ ការស្ទង់មតិ (Questionnaire, Interview )

ទំនាក់ទំនងរវាងលទ្ធផលសិក្សា និងវិធីសាស្រ្តាវាយតម្លៃ

បន្ទាប់មក បណ្ឌិត ពៅ ពិសិដ្ឋ បានឡើងធ្វើបទបង្ហាញអំពី និទ្ទេសបទសម្រាប់វាយតម្លៃចរិយា  សម្បទារបស់និស្សិត។

គោលបំណង៖ ជំរុញការប្រើនិទ្ទេសបទសម្រាប់ការវាយតម្លៃលទ្ធផលសិក្សារបស់និស្សិត។

លទ្ធផលរំពឹងទុក៖

• • បង្កើតនិទ្ទេសបទសម្រាប់ការវាយតម្លៃចរិយាសម្បទា
  • ប្រើប្រាស់និទ្ទេសបទសម្រាប់ការវាយតម្លៃចរិយាសម្បទារបស់និស្សិតដើម្បីធានាភាពមិនលំអៀងនៃការវាយតម្លៃនិស្សិត។

១.បញ្ហាប្រឈមទាក់ទងនឹងការវាយតម្លៃ

• សុពលភាព (Validity)
• ភាពដែលអាចទុកចិត្តបាន (Reliability
  • ពិន្ទុដូចគ្នាចំពោះគុណភាពដូចគ្នា? Same score for same quality?
  • ភាពអាចទុកចិត្តបានរវាងអ្នកកែពីរនាក់លើកិច្ចការតែមួយ (Inter-rater reliability)
• មានសារសំខាន់ក្នុងការជួយឲ្យអ្នកវាយតម្លៃដាក់ពិន្ទុមិនលម្អៀង បកស្រាយ លទ្ឋផលការវាយតម្លៃ និង​ការសម្រេចចិត្តបានត្រឹមត្រូវ (Validity and reliability are essential to fairness, proper interpretation of assessments and assessor decision making)
• ត្រូវបានកំណត់ដោយការវិនិច្ឆ័យ និង ការវិភាគត្រឹមត្រូវរបស់អ្នកវាយតម្លៃ។  Both validity and reliability are best estimated by assessor judgment and logical analysis (McMillan (2004).

២.តើអ្វីជានិទ្ទេសបទ?

និទ្ទេសបទគឺជាសំណុំលក្ខខណវិនិច្ឆ័យដែលទាក់ទងគ្នាសម្រាប់វាយតម្លៃចរិយាសម្បទារបស់និស្សិតរួមបញ្ចូលការពិពណ៌នាកម្រិតអនុវត្ត។ និទ្ទេសបទមានពីរផ្នែកគឺ៖ សំណុំលក្ខខណវិនិច្ឆ័យ​ និង ការពិពណ៌នាអំពីកម្រិតអនុវត្ត។

៣. និទ្ទេសបទវាយតម្លៃរួម និង បែបវិភាគ

• និទ្ទេសបទវាយតម្លៃរួមគឺជាការពិពណ៌នាសកម្មភាពដោយប្រើលក្ខខណវិនិច្ឆ័យទាំងអស់នៅពេលតែមួយហើយវាយតម្លៃជារួមលើគុណភាពនៃការអនុវត្ត។
• និទ្ទេសបទបែបវិភាគគឺពិពណ៌នាអំពីចរិយាសម្បទាដែលបានបំពេញតាមលក្ខខណវិនិច្ឆ័យនីមួយៗ។​

កម្មវិធីសំនួរ ចម្លើយ៖

លោក សាន់ សូយ៉ាន់៖បើនិស្សិតឡើងឆ្លើយសំនួរតែនិស្សិតឆ្លើយមិនច្បាស់លាស់ និងមិនមានការគួរសម្យ តើយើងត្រូវវាយតម្លៃគាត់ដូចម្តេច?

លោក ពៅ ពិសិដ្ឋ៖ យើងត្រូវដាក់ពិន្ទុផ្អែកទៅលើនិទ្ទេសបទដោយនិទ្ទេសបទគឺយើងមានភាពច្បាស់លាស់ទៅតាម​កំរិតនី​មួយៗរបស់វា។ហើយមុននិងធ្វើកាវាយតម្លៃអ្វីមួយយើងត្រូវធ្វើការកំណត់គោលការណ៏ ត្រូវធ្វើការណែនាំពីរបៀបកាងារអោយពូកគាត់បានដឹងជាមុនសិន  ត្រូវមើលពីស្ថានភាពជាក់ស្តែង និងពេលវេលា។

ការពិភាក្សាជាក្រុម៖ រៀបចំក្រុមតាមមហាវិទ្យាល័យមានចំនួន៥ក្រុមដោយឡែកមានតែ២ក្រុមទេដែលបានឡើងធ្វើបទបង្ហាញគឺក្រុមមហាវិទ្យាល័យនីតិសាស្រ្តនិងវិទ្យាសាស្រ្តសង្គម, មហាវិទ្យាល័យសិល្បៈ មនុស្សសាស្រ្ត និងភាសា។ក្រុមមហាវិទ្យាល័យនីតិសាស្រ្តនិងវិទ្យាសាស្រ្តសង្គមលោកគ្រូ សាន់ សូយ៉ានជាអ្នកឡើងធ្វើបទបង្ហាញ ហើយមហាវិទ្យា-ល័យសិល្បៈ មនុស្សសាស្រ្ត និងភាសាលោកគ្រួ នូ ពិសិទ្ធ ជាអ្នកឡើងធ្វើបទបង្ហាញ។

បន្ទាប់មក  ឯកឧត្តម ប៉ែន ស៊ីថុល បានមានប្រសាសន៍ សូមថ្លែអំណរគុណដល់ លោកគ្រូ អ្នកគ្រូ គណៈគ្រប់គ្រង និងបុគ្គលិក​​ដែលបានផ្ដល់អោយក្រុមការងារបានមកធ្វើបទបង្ហាញ។

ជាចុងក្រោយ លោកនាយក បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម ប៉ែន ស៊ីថុល ដែលបានដឹកនាំក្រុមការងារមកធ្វើបទបង្ហាញអំពី ការវាយកម្លៃចរិយាសម្បទារបស់និស្សិត ដល់គណៈគ្រប់គ្រង សាស្រ្តចារ្យ បុគ្គលិកនៅសាកលវិទ្យាល័យបៀលប្រាយ ហើយក៏សូមអគុណដល់គណៈគ្រប់គ្រង សាស្រ្តាចារ្យ បុគ្គលិកដែលបានចូលរួមក្នុងកិច្ចប្រជុំនៅថ្ងៃនេះ ហើយក៏សូមជូនពរអោយមានសុខភាពល្អ និងជោគជ័យក្នុងការងារជានិច្ចនិរន្ត។

អង្គសិក្ខាសាលានេះក៏បានបញ្ចប់ នៅវេលាម៉ោងប្រាំនិងសាមសិបនាទីល្ងាច នាថ្ងៃខែឆ្នាំដដែលក្រោមបរិយា​កាសរីករាយ។

Photo

View more

View more

View more