Build Bright University is proud to host the 60th ASAIHL Conference on 2 - 4 December, 2015 in the historical town of Cambodia, Siem Reap.
ចាប់ផ្តើមទទួលចុះឈ្មោះពីថ្ងៃ ផ្សាយដំណឹងនេះតទៅ

វគ្គទី២ នៅថ្ងៃទី១៧ ខែតុលា ឆ្នាំ២០១៧

 

សាកលវិទ្យាល័យបៀលប្រាយ សាខាខេត្តតាកែវ  រៀបចំសិក្ខាសាលាស្តីពី ក្របខណ្ឌគតិយុត្តនៃការផ្សព្វផ្សាយលក់មូលបត្រជាសាធារណៈនៅកម្ពុជា ដល់និស្សិតមហាវិទ្យាល័នីតិសាស្រ្តនិងវិទ្យាសាស្រ្តសង្គម និងមហាវិទ្យាល័យគ្រប់គ្រងធុរកិច្ច ឆ្នាំទី៣ និង ទី៤



កាលពីព្រឹកថ្ងៃទីប្រាំបួន ខែធ្នូ ឆ្នាំ២០១២ វេលាម៉ោង៧:៣០នាទីដល់ម៉ោង១០:៣០នាទី នៅសាលមហោ ស្របខេត្តតាកែវមានការរៀបចំបើកសិក្ខាសាលាស្តីពី “ ក្របខណ្ឌគតិយុត្តនៃការផ្សព្វផ្សាយលក់មូលបត្រជាសាធារណៈនៅ កម្ពុជា ” ដែលមានវាគ្មិនអញ្ជើញចូលរួមជាកិត្តិយសធ្វើបទបង្ហាញ លោក សៀង ធីរិទ្ធ ប្រធាននាយកដ្ឋានកិច្ចការ គតិយុត្តនៃគណៈកម្មការមូលបត្រកម្ពុជា។ ចំណែកឯភាគីខាងសាកលវិទ្យាល័យបៀលប្រាយសាខាខេត្តតាកែវ មានលោក និល វាសនា នាយករង លោក ញ៉ែម សាមុត  នាយករង  និងប្រធានការិយាល័យកិច្ចការសិក្សាថ្នាក់បរិញ្ញាបត្រ អនុប្រធានការិយា ល័យសេវានិស្សិត និង បុគ្គលិក ព្រមទាំងនិស្សិតចំនួន៣៥០នាក់។

លោក និល វាសនា នាយករងសាខាទទួលបន្ទុកកិច្ចការសិក្សាថ្នាក់បរិញ្ញាបត្រ ក្រោយថ្នាក់បរិញ្ញាបត្រ សេវានិស្សិត និង ចុះឈ្មោះសិក្សាបានឡើងថ្លែងបើកកម្មវិធីដោយបានគោរពដល់អង្គសិក្ខាសាលាទាំងមូលនិងលើកយកអំពីទស្សនៈ វិស័យ និងបេសកម្មរបស់សាកលវិទ្យាល័យក្នុងការលើកកម្ពស់គុណភាពអប់រំនិងបង្កើនការងារធ្វើជូនដល់និស្សិតដូចជា៖ ការរៀបចំ សិក្ខាសាលាជាច្រើនទាំងអស់នេះ គឺឆ្លើយតបទ្រឹស្តីដែលបានសិក្សាក្នុងថ្នាក់ទៅនឹងការ អនុវត្ត   យើងនៅមានការអញ្ជើញ វាគ្មិនទាក់ទងទៅនឹងជំនាញ ដើម្បីធ្វើបទបង្ហាញអំពីការវិវត្តន៍ខាងក្រៅ ដូចជាសិក្ខាសាលាថ្ងៃនេះជាការផ្តល់ នូវបទពិសោធន៍ មួយសំខាន់ សម្រាប់និសិ្សតទាក់ទងទៅ នឹងទីផ្សារមូលបត្រនៅក្នុងប្រទេសកម្ពុជា ព្រោះបច្ចុប្បន្នគេសង្កេតឃើញថា ទីផ្សារមូលបត្របានចាប់ ដំណើរការចេញពីរដ្ឋាករទឹកកម្ពុជា ហើយអនាគតនឹងមានស្ថាប័នរដ្ឋចំនួនបីទៀតអាចចុះឈ្មោះ និង មានសិទ្ធិបោះផ្សាយលក់មូលបត្រដូចជា៖ រដ្ឋាករទឹកស្វ័យ័តដែរ ជាពិសេសនៅក្នុងឆ្នាំ ២០១៥ ខាង មុខនៅពេលធ្វើ សមាហរណកម្មអាស៊ានតែមួយនោះ ទីផ្សារមូលបត្រកម្ពុជានឹងមានកំណើន ស្ថាប័ន រដ្ឋនិងឯកជនកើនឡើនច្រើន ដូចេ្នះសិក្ខាសាលាថ្ងៃនេះជាទុនមួយសំខាន់ណាស់សម្រាប់អ្នកសិក្សា ទាំងឡាយគួរតែយកចិត្តទុកដាក់ព្រោះបន្ទាប់ពីចប់ សិក្ខាសាលា នេះទៅ សាកលវិទ្យាល័យនឹង ចេញ វិញ្ញាបនបត្របញ្ជាក់ជូនដល់និស្សិតដែលបានចូលរួមថ្ងៃនេះ។

បន្ទាប់មកលោក សៀង ធីរិទ្ធ ដែលជាវាគ្មិននៅក្នុងកម្មវិធីសិក្ខាសាលាបានឡើងមកបង្ហាញ អំពីប្រធានបទ “ ក្របខណ្ឌគតិយុត្តនៃការផ្សព្វផ្សាយលក់មូលបត្រជាសាធារណៈនៅកម្ពុជា ” ដោយទាក់ទងទៅនឹងខ្លឹមសារមាតិការ៤ចំណុច សំខាន់ដូចខាងក្រោម៖

  • ទី១-សាវតានៃវិស័យមូលបត្រនៅកម្ពុជា
  • ទី២-និយ័តករមូលបត្រ ៖ គណៈកម្មការមូលបត្រកម្ពុជា
  • ទី៣-តួអង្គក្នុងវិស័យមូលបត្រ
  • ទី៤-ដំណើរការបោះផ្សាយលក់មូលបត្រជាសាធារណៈ

ឆ្លៀតក្នុងឱកាលនោះ គេសង្កេតឃើញមានការចាប់អារម្មណ៍យ៉ាងខ្លាំង និង ការលើកជាសំណួរជាច្រើនពីសំណាក់ និស្សិតជុំវិញប្រធានបទខាងលើ ចំណែកវាគ្មិនក៍មានការឆ្លើយតបទៅវិញភ្លាមៗ ដែលស្ថិតនៅក្នុងបរិយាកាសស្និតស្នាល និងរីករាយបំផុត។ ចុងបញ្ចប់នៃកម្មវិធី លោក និល វាសនា ក៍បានថ្លែងអំណរគុណដល់វាគ្មិនដែលបាន ចំណាយពេលវេលា ដ៍មានតម្លៃក្នុងការចែករំលែក នូវចំណេះដឹងនិងបទពិសោធន៍ដល់និស្សិត ព្រមទាំងបានសន្យាថានឹងបើកសិក្ខាសាលាមួយ ទៀតនៅចុងខែធ្នូនេះ និងបានបិទកម្មវិធីទៅតាមពេលវេលាដែលបានកំណត់។