Build Bright University is proud to host the 60th ASAIHL Conference on 2 - 4 December, 2015 in the historical town of Cambodia, Siem Reap.
ចាប់ផ្តើមទទួលចុះឈ្មោះពីថ្ងៃ ផ្សាយដំណឹងនេះតទៅ

វគ្គទី២ នៅថ្ងៃទី១៧ ខែតុលា ឆ្នាំ២០១៧

 
ពិធីចុះកិច្ចព្រមព្រៀងរវាងសាកលវិទ្យាល័យបៀលប្រាយជាមួយនឹង សាកលវិទ្យាល័យ Yunnan ប្រទេសចិន

នៅរសៀលថ្ងៃទី ២២ ខែធ្នូ ឆ្នាំ២០១១ សាកលវិទ្យា ល័យបៀលប្រាយ បានរៀបចំពិធីទទួលស្វាគមន៍ សាកលវិទ្យា ល័យ Yunnan របស់ប្រទេសចិនដើម្បីចុះកិច្ចព្រមព្រៀងគ្នាមួយ រវាងសាកលវិទ្យាល័យទាំងពីរ។
            ក្នុងការចូលរួមនោះមានលោក ឌៀប សីហា សាកលវិទ្យាធិការ នៃសាកលវិទ្យាល័យបៀលប្រាយ, លោក សាកល វិទ្យាធិការរង និងលោកព្រឹទ្ធបុរសគ្រប់មហា វិទ្យាល័យទាំងអស់ដែលជាតំណាងឲ្យសាកលវិទ្យាល័យបៀលប្រាយទាំងមូល។

ក្នុងការជួបពិភាក្សាគ្នានោះលោកសាកលវិទ្យាធិការសាកលវិទ្យាល័យបៀលប្រាយបានមាន ប្រសាសន៍ ថា៖ សាកល វិទ្យាល័យបៀលប្រាយពិតជាមានមោទនភាពខ្លាំងណាស់ដែលបានធ្វើកិច្ចសហការគ្នាលើវិស័យ អប់រំកម្រិត ឧត្តមសិក្សា ជាមួយ សាកលវិទ្យាល័យ Yunnan ដែលជាសាកលវិទ្យាល័យមួយដ៏ធំរបស់ប្រទេសចិន ហើយលោកសង្ឃឹមយ៉ាងជឿជាក់ថា សាកល វិទ្យាល័យទាំងពីរនឹងមានទំនាក់ទំនងគ្នាយ៉ាងល្អជារៀងរហូត។
ចំណែកឯខាងភាគីរបស់សាកលវិទ្យាល័យ Yunnan ប្រទេសចិនបានធ្វើបទបង្ហាញពីប្រវត្តិសង្ខេបខ្លះៗ ដែលទាក់ទង នឹង សាកលវិទ្យាល័យរបស់ខ្លួនដោយមានប្រសាសន៍ថា៖ សាកល វិទ្យា ល័យ Yunnan ជា សាកល វិទ្យាល័យមួយដ៍ធំក្នុង ប្រទេសចិនដែលជាប់ចំណាត់ថ្នាក់លេខ ៩ ក្នុងចំណោមសាកលវិទ្យាល័យ ជាង ៣០ នៅ ប្រទេសចិន មានផ្ទៃដីសរុប ៧០០០០ ម២ ដែលបណ្តុះបណ្តាលលើជំនាញឯកទេស ហិរញ្ញវត្ថុ និង សេដ្ឋកិច្ច ដែលមាននិស្សិតសិក្សាសរុបជិត ១០០,០០០នាក់ ក្នុងនោះនិស្សិតថ្នាក់អនុបណ្ឌិតដែលកំពុងសិក្សាមានជិត ២០០០នាក់ ដែលមាននិស្សិតជាជនជាតិចិននិង និស្សិតមកពីបណ្តាប្រទេសផ្សេងៗគ្នានៅលើពិភពលោក ចូល សិក្សា។ លោកក៏បានបន្តទៀតថា សាកលវិទ្យាល័យ Yunnan ក៏មាននិស្សិតខ្មែរចូលសិក្សាផងដែរ។
ក្រោយពីបានជួបពិភាក្សាគ្នាចប់សាកលវិទ្យាល័យទាំងពីរក៏បានចុះហត្ថលេខាយល់ព្រមលើកម្មវិធី ដូចខាងក្រោម៖
  • ចូលរួមអភិវឌ្ឍន៍កម្មវិធីសិក្សា និងការស្រាវជ្រាវ រួមគ្នា
  • ធ្វើការទំនាក់ទំនងល្អជាមួយគ្នាព្រមទាំងប្រឹងប្រែងធ្វើការផ្សព្វផ្សាយកម្មវិធីសិក្សារួមគ្នា, ផ្លាស់ប្តូរ អាហារូបករណ៍ និស្សិត, ធ្វើការផ្លាស់ប្តូរនិស្សិត និង សាស្ត្រាចារ្យ, ស្រាវជ្រាវ និង ការផ្លាស់ប្តូរកម្មវិធី សិក្សារួមគ្នាក្នុងតំបន់។
  • ធ្វើការផ្លាស់ប្តូរកម្មវិធីសិក្សារួមគ្នាដើម្បីឲ្យការសិក្សារបស់និស្សិតមានភាពល្អប្រសើរឡើង
ក្រោយពីបានពិនិត្យមើលខ្លឹមសារក្នុងកិច្ចព្រមព្រៀងនេះចប់សព្វគ្រប់ខាងសាកលវិទ្យាល័យ Yunnan ប្រទេសចិនក៏ បានយល់ព្រមឯកភាពនិងចុះហត្ថលេខាដើម្បីទទួលស្គាល់នូវកិច្ចសហការល្អនេះ។ ក្រោយពីបាន ចុះកិច្ចព្រមព្រៀងសាកល វិទ្យាល័យទាំង ២ បានប្រគល់វត្ថុអនុស្សាវរីយ៍ដើម្បីជាចំណងមិត្តភាព
សូមបញ្ជាក់ថា៖ ការចុះកិច្ចព្រមព្រៀងនេះនិស្សិតអាចទទួលបាននូវអត្ថប្រយោជន៍ដូចខាងក្រោម៖
  • និស្សិតដែលសិក្សានៅសាកលវិទ្យាល័យបៀលប្រាយ ២ឆ្នាំ និងរៀនបន្តនៅសាកលវិទ្យាល័យ Yunnan ២ឆ្នាំ ទៀតដើម្បីបានសញ្ញាបត្រ២ គឺ សញ្ញាបត្រដែលចេញដោយ សាកលវិទ្យាល័យបៀលប្រាយផង និង សញ្ញាបត្រ ដែល ចេញដោយសាកលវិទ្យាល័យ Yunnan ផង។
  • និស្សិតដែលសិក្សានៅសាកលវិទ្យាល័យ Yunnan ២ឆ្នាំ និងរៀនបន្តនៅសាកលវិទ្យាល័យបៀលប្រាយ ២ឆ្នាំ ទៀតដើម្បីបានសញ្ញាបត្រ២ គឺសញ្ញាបត្រដែលចេញដោយសាកលវិទ្យាល័យ Yunnan ផង និងសញ្ញាបត្រដែល ចេញដោយសាកលវិទ្យាល័យបៀលប្រាយ ផង។