Build Bright University is proud to host the 60th ASAIHL Conference on 2 - 4 December, 2015 in the historical town of Cambodia, Siem Reap.
ចាប់ផ្តើមទទួលចុះឈ្មោះពីថ្ងៃ ផ្សាយដំណឹងនេះតទៅ

វគ្គទី២ នៅថ្ងៃទី១៧ ខែតុលា ឆ្នាំ២០១៧

 

ព្រឹតិ្តការណ៏ស្តីពី  ¨ សាខាសាកលវិទ្យាល័យ បៀលប្រាយ ខេត្តតាកែវ ចុះធ្វើការផ្សព្វផ្សាយដល់សិក្សានុសិស្សថ្នាក់ទី១២ នៅតាមវិទ្យាល័យទាំង១៦ ¨


 

គិតចាប់ពីថ្ងៃទី១៣-២១ ខែមិថុនា ឆ្នាំ២០១៣ គណៈគ្រប់គ្រងនៃសាខាសាកលវិទ្យាល័យបៀលប្រាយ ខេត្តតាកែវ បានចេញយុទ្ធនាការចុះធ្វើផ្សព្វផ្សាយដល់សិស្សថ្នាក់ទី១២ នៅតាមបណ្តាវិទ្យាល័យទាំង១៦ ដែលស្ថិតនៅក្រោមប្រធានបទ “ ការសិក្សាជាកាវិនយោគ និងលទ្ធផលនៃការសិក្សានៅថ្នាក់ឧត្តមសិក្សា  ”  នៅក្នុងការចេញយុទ្ធនាការចុះផ្សព្វផ្សាយ នោះបាន ចែកចេញជាពីរក្រុម៖ គឺក្រុមទី១-បានដឹកនាំដោយលោក អាន ហឿន នាយកសាខា ចុះចំនួន៧វិទ្យាល័យ ដែលក្រុមនេះ ធ្វើបទបង្ហាញដោយលោក អ៊ាម ច័ន្ទរិទ្ធ ប្រធានការិយាល័យសិក្សា និងលោក នូវ វឌ្ឍនៈ ព្រឹទ្ធបុរសរងមហាវិទ្យាល័យ ចំណែកក្រុមទី២-ដឹកនាំលោក និល វាសនា នាយករងសាខា ជាអ្នកធ្វើបទបង្ហាញចុះចំនួន៩វិទ្យាល័យ ដោយមានការ ធ្វើកិច្ចសហការណ៍ជាមួយគ្នាល្អជាមួយនាយក នាយករង នាយការវិទ្យាល័យទាំង១៦ ពិសេសដោយមានលិខិតឯកភាព ពីលោកប្រធានមន្ទីអប់រំ យុវជន និងកីឡាខេត្តតាកែវ ។ គោលបំណងនៃការចុះផ្សព្វផ្សាយគឺដើម្បីឲ្យសិស្សថ្នាក់ទី១២ នៅតាមវិទ្យាល័យ បានយល់កាន់តែច្បាស់អំពី៖

  • ឧត្តមភាពនៃការសិក្សាសាខាសាកលវិទ្យាល័យបៀលប្រាយ ខេត្តតាកែវ
  • ចក្ខុវិស័យ និងបេសកម្ម របស់សាខាសាកលវិទ្យាល័យបៀលប្រាយ ខេត្តតាកែវ
  • អាហារូបករណ៍តាមនិទេ្ទស A-B-C និងអាហារូបករណ៍និស្សិតឆ្នើមប្រចាំមហាវិទ្យាល័យ
  • កម្មវិធីសិក្សាតាមមហាវិទ្យាល័យនីមួយៗ ដែលមានច្រើនសម្បូរបែបសម្រាប់ជ្រើសរើស
  • សម្ភារៈរូបវន្តទំនើប និងសម្បូរបែបដែលអាចបម្រើឲ្យការសិក្សាកាន់តែមានប្រសិទ្ធភាព
  • សាស្រ្តាចារ្យប្រកបដោយគុណវុឌ្ឍិនិងបទពិសោធន៍ខ្ពស់ដែលអាចធានាដល់ការសិក្សា
  • ឱកាសទទួលបានការងារធ្វើ និងកម្ចីគ្រឹះស្ថានមីក្រូហិរញ្ញវត្ថុសម្រាប់សិក្សានៅស.ប.ប
  • អត្ថប្រយោជន៍ និងការលើកទឹកចិត្តដល់អ្នកសិក្សានៅសាកលវិទ្យាល័យបៀលប្រាយ
  • ចុងក្រោយមានការចាក់ស្ពតបង្ហាញពីចំណាប់អារម្មណ៍របស់និស្សិតឆ្នាំទី៤ ឆមាសទី២ ជាច្រើនជុំវិញការសិក្សានៅ សាកលវិទ្យាល័យបៀលប្រាយ ខេត្តតាកែវ កន្លងមកផងដែរ។

បន្ទាប់ពីបានធ្វើបទបង្ហាញចប់សព្វគ្រប់រួច ក្រុមការងារក៍បានចែកជូនកម្រងសំណួរសម្រាប់ស្ទង់ មតិសិក្សានុសិស្ស បានចូលរួមស្តាប់ឲ្យជួយបំពេញ គឺដើម្បីចង់ដឹងអំពីចំណាប់អារម្មណ៍បន្ទាប់ពីបានស្តាប់បទបង្ហាញ។ ចុងក្រោយក៍មានការ ជួបជាមួយលោកនាយកវិទ្យាល័យ មានមតិផ្តាំផ្ញើនិងសំណេះសំណាលគ្នា ព្រមទាំងថ្លែងអំណរគុណស្ថិតនៅក្នុងបរិយាកាស រីករាយនិងសិ្នតស្នាលក្រៃលែង។ សូមបញ្ជាក់ថា៖ លោក ញ៉ែម សាមុត នាយករងសាខា ទទួលខុសត្រូវ ដឹកសិក្សានុសិស្សថ្នាក់ទី១២ មកពីវិទ្យាល័យចំនួន៤ ឲ្យមកធ្វើទស្សនៈកិច្ចសិក្សានៅអាគារសាកលវិទ្យាល័យ បៀលប្រាយ សាខាខេត្តតាកែវ ដើម្បីឲ្យពួកគេសែ្វងយល់កាន់តែច្បាស់អំពីសម្ភារៈរូបវន្ត ដែលបម្រើដល់ការសិក្សាទំនើប និង សម្បូរបែបផងដែរ។ អត្ថបទលោក និល វាសនា នាយករងសាខាខេត្តតាកែវ។